Blog moved to Wordpress.com

Hai,
This blog has been moved to Wordpress.com , the new
Blog is at http://karanattu.wordpress.com

Regards...

എന്നെ അറിയുമോ?

ആരു ഞാന്‍,
എന്‍ ഹൃദയ വാദ്യലയം
ഉണര്‍ത്തും ഊര്‍ജ്ജമേതു്,
എന്‍മനസ്സിന്റെ മതില്‍ക്കെട്ടില്‍
ഓര്‍മ്മകള്‍തന്‍ പ്രദക്ഷിണ വഴികള്‍ തീര്‍ക്കും,
ദേവനാരു്?
എന്റെ ഉണ്മയിലൂറി വന്നോരറിവു്,
- എനിക്കെന്നെ അറിയില്ല!

കാലമെത്ര കഴിഞ്ഞു പൂരുഷ-
ജന്മമെത്ര കഴിഞ്ഞു ഭൂവില്‍
ഐതിഹാസിക വേദസംഹിത,
ഉപനിഷത്തുകള്‍, ജനപഥങ്ങള്‍,
അശ്വമേധം, ദിഗ്ജയങ്ങള്‍,
ആറ്റംബോംബുകള്‍, ചന്ദ്രയാത്രകള്‍,
വിജയഭേരികള്‍.........
"എവിടെ നിന്നു വരുന്നു നീ
എവിടേക്കു പോണു നീ "
എന്റെ ഉണ്മയിലൂറി വന്നോരറിവു്
- എനിക്കെന്നെ അറിയില്ല!

എന്റെയുള്ളിലെ എന്നെയറിയാതെന്തു നേടിലും,
ദിഗ്ജയങ്ങളില്‍, വിജയഭേരിയില്‍,
അന്തരംഗം ഉതിര്‍ത്തിടുന്നൊരു
നേര്‍ത്ത ചോദ്യം, - ആരു ഞാന്‍?
എന്റെ ഉണ്മയിലൂറി വന്നോരറിവു്
- എനിക്കെന്നെ അറിയില്ല!